打齊針, 好性感

聽聞漁獲處逢星期二都有流動車落大埔，為狗仔打瘋狗同晶片針, 所以今日老豆帶我落去打。落到去, 我地搵極都搵唔到架車, 經一名收買佬指點下, 我地終於發現— 竟然係一架綿羊仔電單車!! 於是老豆問果位企響度、完全唔似獸醫o既光頭佬:「響邊度打?」佢話:「地下o羅!」之後光頭佬就響綿羊仔後面個箱, 從一個街市膠袋入面拎D針出黎，再攤開一張上下對摺, 用左唔知幾多次o既舊報紙，叫我企上去打針。光頭佬真係熟手，5秒唔夠就打晒兩支針, 我只係感覺到俾人響背脊拮左兩下。最後我地就得到政府狗牌:一張A4影印紙。原來狗仔攞身分證咁鬼兒戲同污糟, 怪唔得冇方力申賣廣告。