TO拖肥

你男人老狗咪鬼喊啦! 我唔係唔想睬你, 但我真係好憎俾狗追住聞, 搞到人成身口水。下次一齊玩下飛行棋、睇下dvd、食下茶點咪好o羅, 再唔係, 落勝利道shopping洗頭都OK呀, 果度好多狗女架! 總之唔好再聞我啦, 依家唔興架啦! "貓犬通訊"上期都係咁講架。話時話, 好彩果日你冇跟車入流浮山食燒蠔咋, 果度又凍又黑, 而且我地根本冇份食o既。更大鑊,係回程時我老豆架車又有事, 第三次出動拖車, 搞到半夜至返到屋企。計我話, 屋企不如換架拖車, 咁就唔使下下call拖車啦。FROM 肥肥

P.S. 欲知事情的另一版本, 請到拖肥BLOG 。