黑獄斷腸歌之狗竇

本來, 我係訓籠嘅, 但媽咪同老豆覺得我困住一整日好陰公, 於是俾我通屋走。但唔知點解, 我一冇人睇住，就鍾意隨地尿尿, 仲踩到成間屋濕晒，結果被迫困返籠。無耐, 佢哋又覺得我慘, 於是買咗個欄, 圍咗個狗竇俾我, 裏面仲擺埋豹紋屋仔同廁所, 查實係一間不少狗仔夢寐以求嘅豪華套房。我開頭都住得好好哋, 點知又抵受唔到周圍尿尿嘅誘惑, 最後又日日搞到個竇污糟晒。後來佢哋搵張膠枱布幫我墊，我又忍唔住咬爛佢。結果，我又困返籠。

你哋通常叫呢啲做抵死定犯賤？